Equality and Human Rights Commission

Hoffem glywed gan unrhyw un sydd wedi’u bwlio neu’u haflonyddu, a chan sefydliadau sy’n gweithio gyda/dros bobl anabl, gan gynnwys sefydliadau’r sector gwirfoddol a chymunedol, awdurdodau cyhoeddus (fel cynghorau lleol, yr heddlu, tai, gwasanaethau cymdeithasol ac addysg) a chwmnïau trafnidiaeth gyhoeddus.

Y terfyn amser am roi tystiolaeth yw dydd Gwener 10 Medi 2010.

Yn yr adran hon:

• Unigolion sydd wedi dioddef aflonyddu
• Sefydliadau a phartïon â buddiant
• Sut i ymateb
• Manylion perthnasol

Unigolion sydd wedi dioddef aflonyddu

Os ydych chi wedi dioddef achos o aflonyddu oherwydd eich anabledd, neu fod rhywun agos atoch wedi’i effeithio, cysylltwch â ni. Hoffem glywed gan bobl sy’n fyddar neu’n anabl, gan gynnwys rhai â chyflyrau iechyd meddwl a chyflyrau iechyd hirdymor, yn ogystal â’u teuluoedd, ffrindiau neu gymdeithion. Rydym eisiau gwybod beth ddigwyddodd a beth wnaeth awdurdodau cyhoeddus a chwmnïau trafnidiaeth gyhoeddus ei wneud - neu ddim ei wneud - i’ch helpu.

Bydd eich profiadau – cadarnhaol neu negyddol - yn helpu’r Comisiwn i ddangos beth mae’r heddlu, gwasanaethau cymdeithasol, ysgolion, cwmnïau bysiau ac asiantaethau eraill yn gallu’i wneud i atal achosion o aflonyddu ar bobl anabl mewn mannau cyhoeddus a thu ôl i ddrysau caeedig. Os nad ydych chi’n sicr beth i’w ddweud wrthym, mae gennym holiadur (amgaeedig) i’ch helpu.

Er bod croeso i chi roi tystiolaeth yn ddienw, byddai’n ddefnyddiol inni gael eich enw a’ch manylion cyswllt fel y gallwn gysylltu â chi am ragor o wybodaeth os oes angen. Byddwn yn trin eich gwybodaeth bersonol yn gyfrinachol.

Efallai y byddai’n well gan unigolion gyflwyno tystiolaeth trwy lenwi’n holiadur y gellir ei lawr lwytho neu trwy gysylltu â’r llinell gymorth ar y rhifau isod.

Os ydych chi angen unrhyw addasiadau rhesymol eraill, cysylltwch â ni i drafod eich anghenion.

 • Lawr lwytho’r holiadur yn Gymraeg

Sefydliadau a phartïon â buddiant

Hoffem gael ymateb gan:

• Sefydliadau sy’n gweithio gydag a thros bobl fyddar neu anabl, gan gynnwys rhai â chyflyrau iechyd meddwl neu gyflyrau iechyd hirdymor
• Sefydliadau sydd mewn cysylltiad â phobl sydd wedi profi aflonyddu ar sail anabledd fel asiantaethau cynghori, llochesi a sefydliadau sy’n cynnig cymorth i ddioddefwyr trosedd
• Awdurdodau cyhoeddus
• Cwmnïau trafnidiaeth gyhoeddus
• Academyddion
• Unigolion â gwybodaeth a phrofiad yn y maes hwn.

Mae gennym ddiddordeb penodol mewn clywed am:

• ddulliau effeithiol o atal a dileu aflonyddu ar sail anabledd
• mynd i’r afael â’r hyn sy’n achosi aflonyddu ar sail anabledd gan gynnwys rhagfarn ac agweddau negyddol
• cynnwys pobl anabl wrth atal a dileu aflonyddu ar sail anabledd a mynd i’r afael â’r rhesymau drosto
• galluogi pobl anabl i adrodd yn effeithiol am achosion o aflonyddu ar sail anabledd
• profiadau ac anghenion gwahanol bobl anabl sy’n gysylltiedig â’u math o nam, eu hoedran, rhywedd, hunaniaeth o ran rhywedd, hil neu ethnigrwydd, crefydd neu gred a chyfeiriadedd rhywiol.

Nid oes rhaid i dystiolaeth fynd i’r afael â phob pwynt unigol. Er enghraifft, gall ganolbwyntio ar fynd i’r afael â’r rhesymau dros aflonyddu neu gamau corff cyhoeddus penodol.

Dylai tystiolaeth gan sefydliadau neu gyrff cyhoeddus:

• nodi enw’r sefydliad
• cynnwys gwybodaeth sy’n nodi a yw’r sefydliad yn darparu
• gwasanaethau i grŵp/iau penodol
• cynnwys cyfeiriad post llawn a manylion cyswllt
• dechrau gyda chrynodeb
• cynnwys tudalennau a pharagraffau wedi’u rhifo.

Holiadur Cais am Dystiolaeth

Gellir lawr lwytho’r Holiadur Cais am Dystiolaeth mewn gwahanol fformatau:

• Lawrlwytho’r ffurflen fel PDF rhyngweithiol (yn Saesneg)  
• Lawr lwytho ffurflen Gymraeg o’r Cais am Dystiolaeth

Mae nifer o ffyrdd i roi tystiolaeth i’r Ymchwiliad:

• Danfonwch eich ymateb mewn ffurf pdf neu Word neu BSL drwy’r post neu mewn e-bost
• Cwblhewch holiadur ar ein gwefan, a’i dychwelyd mewn e-bost neu drwy’r post  
• Ffôn neu ffôn testun drwy un o’n llinellau cymorth (profiadau a storiâu unigol yn unig)

Nodwch: Y terfyn amser am roi tystiolaeth yw dydd Gwener 10 Medi 2010.

Sut i ymateb:

• trwy’r e-bost: disabilityharassmentfi@equalityhumanrights.com
• trwy’r ffacs: 0161 829 8110 gan ysgrifennu ‘Disability Harassment Inquiry’ yn glir ar y neges
• trwy bostio i’r cyfeiriad rhadbost canlynol:

Disability Harassment Inquiry
Equality and Human Rights Commission
FREEPOST RRLL-GHUX-CTRX
Arndale House, Arndale Centre
Manchester, M4 3AQ

• trwy’r llinell gymorth:

Cymru Ffôn: 08456 048 810
Ffôn testun: 08456 048 820

Lloegr Ffôn: 08456 046 610
Ffôn testun: 08456 046 620

Yr Alban Ffôn: 08456 045 510
Ffôn testun: 08456 045 520

Hoffem ddiolch i chi am roi tystiolaeth i’r Ymchwiliad ar Aflonyddu ar sail Anabledd. Byddwn yn ystyried yr holl ymatebion a dderbyniwn. Fodd bynnag, oherwydd nifer  uchel yr ymatebion a ddisgwylir, ac i sicrhau cyfrinachedd, ni fyddwn yn cydnabod eich ymateb yn awtomatig heblaw i chi ofyn yn benodol amdano.

Gwybodaeth berthnasol

Am fanylion o’r cylch gorchwyl a chwmpas yr ymchwiliad hwn darllenwch yr Hysbysiad Statudol yn llawn.

I weld sut fyddwn yn diogelu’ch gwybodaeth darllenwch am Ymdrin â Data a chyfrinachedd.