Diffyg grym a dylanwad gan fenywod yng Nghymru o hyd
Wrth i gan mlynedd o Ddiwrnod Rhyngwladol y Menywod gael ei ddathlu ledled y byd, mae adroddiad newydd yn dangos bod dangynrychiolaeth difrifol o fenywod o hyd yn safleoedd o rym a dylanwad yng Nghymru.
Mae adroddiad Pwy sy’n rhedeg Cymru? 2011 y Comisiwn yn bwrw golwg ar ddeg agwedd o fywyd yng Nghymru, gan gynnwys gwleidyddiaeth, llywodraeth leol, iechyd a’r sector preifat er mwyn asesu’r cydbwysedd rhwng y rhywiau wrth fyrddau gwneud penderfyniadau yng Nghymru.
Mae’r canfyddiadau allweddol yn cynnwys:
Meddai Kate Bennett, Cyfarwyddydd Cymru’r Comisiwn Cydraddoldeb a Hawliau Dynol:
“Mae’r adroddiad hwn yn dangos bod dangynrychiolaeth difrifol o fenywod o hyd yn bodoli wrth uwch fyrddau yng Nghymru.
“Mae ein sefydliadau’n cael eu cosbi - mae tystiolaeth yn dangos bod timau rheoli mwy amrywiol yn gwneud penderfyniadau gwell.
“Os daw’r rheiny sydd yn gwneud penderfyniadau o haenen gul o gymdeithas, bydd anghenion y mwyafrif yn cael ei esgeuluso. Mae ein hadroddiad yn amlygu’r angen i arweinyddion gwleidyddol a busnes ganfod y ffordd orau i fanteisio ar y gronfa dalent lawn yng Nghymru.
Nid yw bwriadau da yn ddigon - mae’r mater hwn yn rhy bwysig yw gadael i siawns. Cyfrifoldeb arweinyddion yw cael mwy o fenywod wrth uwch fyrddau yng Nghymru.”
Mae gan y Cynulliad gydbwysedd iachus rhwng y rhywiau, gyda 48% yn fenywod. Ond mae’n anochel y bydd y canran hwn yn gostwng yn arwyddocaol yn yr etholiad ym mis Mai.
Mae’r adroddiad yn canfod rhai meysydd o gynnydd. Cheryl Gillan yw Ysgrifennydd Gwladol benywaidd cyntaf Cymru. Kirsty Williams yw’r Arweinydd Plaid benywaidd cyntaf yn y Cynulliad. Julie Lydon o Brifysgol Morgannwg yw Is-Ganghellor benywaidd cyntaf Cymru. April McMahon bydd ail Is-Ganghellor benywaidd Cymru pan fydd yn dechrau ar ei swydd ym Mhrifysgol Aberystwyth.
Nodiadau
Coladwyd yr holl ystadegau yn y cyfnod – Ionawr 2011 i Chwefror 2011.