Equality and Human Rights Commission

Gall symud o amgylch awyren fod yn anodd oherwydd gofod cyfyngedig.

• Nid oes modd gosod cadeiriau olwyn yn ddiogel yn y caban bob amser felly cânt eu storio yn yr howld fel arfer. Os oes gennych gadair olwyn â motor, dylech sicrhau mai batri cell sych sydd ganddi cyn hedfan. Gallai fod yn ddefnyddiol rhoi nodyn ar eich cadair olwyn i egluro sut mae'n gweithio.

• Mae'n rhaid i gwmnïau awyrennau wneud pob ymdrech resymol  i drefnu sedd addas i chi. Mae hyn yn cynnwys gwneud eu gorau i sicrhau y caiff yr unigolyn sy'n teithio gyda chi sedd wrth eich ymyl.

Gwybodaeth ar yr awyren

Mae awyrennau newydd yn fwy tebygol o gael gwell mynediad ac o gynnwys nodweddion megis arwyddion, goleuadau a deunyddiau gwell ac mae gan rai awyrennau llydan doiledau hygyrch.

Mae'n rhaid i gwmnïau awyrennau gyfleu gwybodaeth hanfodol am yr hedfa mewn ffordd hygyrch i bob teithiwr drwy gydol eich taith. Os bydd angen brîff personol mewn fformat penodol arnoch, rhowch wybod i griw'r caban.

Eich sedd

• Os caiff sedd ei chlustnodi ar eich cyfer cyn i chi hedfan, dylai cwmnïau awyrennau ganiatáu i chi archebu'r sedd fwyaf priodol ymlaen llaw. Os caiff seddau eu clustnodi wrth i chi gofrestru wrth y ddesg, bydd staff yn eich cynghori am y sedd fwyaf priodol, fel un sy'n caniatáu i chi symud o gwmpas, un sydd â breichiau symudol neu fwy o le i'ch traed.
• Am resymau diogelwch, os cewch anhawster wrth symud o gwmpas, ni allwch eistedd mewn seddau lle y gallech rwystro staff rhag cael gafael ar offer brys neu amharu ar y broses o wagio'r awyren mewn argyfwng. Mae hyn yn cynnwys unrhyw resi wrth ymyl drws neu allanfa frys, sef y seddau â lle ychwanegol i'ch traed yn aml.
• Mae galw mawr am seddau â lle ychwanegol i'r traed bob amser ac fel arfer cânt eu dyrannu ar sail 'y cyntaf i'r felin'. Dylid rhoi blaenoriaeth i deithwyr anabl ac i unrhyw un sy'n cael anhawster wrth symud o gwmpas ond mae'n rhaid i chi esbonio beth sydd ei angen arnoch.
• O bryd i'w gilydd efallai y bydd angen mwy nag un sedd ar deithiwr anabl neu deithiwr sydd â lefelau symudedd is er mwyn diwallu ei anghenion. Bydd cwmnïau awyrennau yn codi tâl am seddau ychwanegol fel arfer ond efallai y byddant yn cynnig disgownt.

Cŵn

Mae awyrennau newydd yn fwy tebygol o gael gwell mynediad ac o gynnwys nodweddion megis arwyddion, goleuadau a deunyddiau gwell ac mae gan rai awyrennau llydan doiledau hygyrch. Mae'n rhaid i gwmnïau awyrennau gyfleu gwybodaeth hanfodol am yr hedfa mewn ffordd hygyrch i bob teithiwr drwy gydol eich taith. Os bydd angen brîff personol mewn fformat penodol arnoch, rhowch wybod i griw'r caban.