Mae democratiaeth yn seiliedig ar y syniad y dylai pob unigolyn, waeth beth yw eu cefndir neu amgylchiadau personol, gael cyfle cyfartal i ddweud eu barn ar benderfyniadau am ddyfodol y wlad.
Yn ymarferol, mae rhai grwpiau yn llai tebygol nag eraill i arfer eu hawl democrataidd i bleidleisio; yn llai tebygol o gael eu hethol; yn llai tebygol o deimlo y gallant ddylanwadu ar benderfyniadau yn eu hardal leol; ac yn llai tebygol o gymryd rhan mewn mathau eraill o weithgaredd gwleidyddol neu ddinesig.
Mae menywod ychydig yn fwy tebygol o bleidleisio na dynion, ond er gwaethaf rhywfaint o gynnydd tuag at gydraddoldeb, mae'r gyfran o fenywod sy’n cael eu hethol i San Steffan yn parhau i fod yn llai na 25%. Mae Senedd yr Alban a Chynulliad Cymru yn agosach at gydraddoldeb rhywedd, ond yn y tair gwlad mae cynghorwyr lleol hefyd yn wrywaidd yn bennaf.
Yn Senedd San Steffan, er gwaethaf rhywfaint o dystiolaeth o gynnydd, mae’r rhan fwyaf o leiafrifoedd crefyddol ac ethnig yn dal wedi eu tangynrychioli. Fodd bynnag, mae pobl lesbiaidd, hoyw a deurywiol (LHD), a rhai o leiafrifoedd ethnig a chrefyddol, yn fwy tebygol o gymryd rhan mewn mathau eraill o weithgaredd gwleidyddol neu ddinesig ac yn fwy tebygol o deimlo y gallant ddylanwadu ar benderfyniadau lleol.
Mae pobl ag anabledd neu salwch cyfyngol hirdymor yn llai tebygol na’r rhai heb i ddweud y gallant ddylanwadau ar benderfyniadau lleol yn gyffredinol, ac fe gyflwynodd y rhan fwyaf o orsafoedd pleidleisio yn yr etholiad diwethaf o leiaf un rhwystr arwyddocaol i fynediad.
Mae pobl ifanc yn llai tebygol o bleidleisio na phobl hŷn. Maent hefyd yn llai tebygol o gal eu hethol i swydd. Mae cyfartaledd oed cynghorwyr, ac ASau, wedi cynyddu rhyw ychydig yn y blynyddoedd diwethaf.
Yn olaf, mae cefndir economaidd-gymdeithasol pobl yn effeithio ar eu teimlad o rym a llais. Mae gweithwyr proffesiynol yn fwy tebygol o bleidleisio, yn fwy tebygol o fod mewn swydd etholedig, ac yn fwy tebygol o deimlo y gallant ddylanwadu ar benderfyniadau lleol na phobl o grwpiau galwedigaethol is.
Er gwaethaf gwelliannau diweddar, mae menywod a lleiafrifoedd ethnig yn parhau i fod wedi eu tangynrychioli yn y Senedd ac mewn sefydliadau gwleidyddol eraill. Mae pobl ifanc yn arddangos lefelau dirywiol o weithgaredd gwleidyddol ac ymgysylltiad â chyrff penderfynu.
Data: Mae lleiafrif o oedolion dan 25 oed bellach yn pleidleisio mewn etholiadau cyffredinol a datganoledig, ac mae’r gyfran yn gostwng, gyda 50% o bobl 18 i 24 oed yn pleidleisio yn etholiad cyffredinol 2005.
Ar y cyfan, gostyngodd hyder mewn gallu i ddylanwadu ar wneud penderfyniadau lleol yn 2001, ac mae wedi codi a gostwng ers hynny.
Mae lefelau o ymlyniad a dehongliadau o ddylanwad yn amrywio yn ôl grŵp ethnig a dosbarth cymdeithasol.
Mae cynrychiolaeth seneddol o wahanol grwpiau yn parhau i fod yn amrywiol. Fodd bynnag, mae yna fwy o amrywiaeth rhywedd yn Senedd yr Alban a Chynulliad Cymru nag yn Senedd y Deyrnas Unedig.
Ar lefel leol, cafwyd mwy o lwyddiant o ran cyflawni cynrychiolaeth wleidyddol amrywiol nag yn San Steffan. Mae gwleidyddion awdurdodau lleol yn debycach i boblogaeth Prydain, er yn bell o fod yn llwyr.
Mae rhai o’r grwpiau a dangynrychiolir mewn gwleidyddiaeth ffurfiol yn fwy gweithgar o ran ymgyrchu ac ymwneud â chyrff gwneud penderfyniadau.